%مهند ...أزمة رومانسية للفتاة السودانية%

مهند ...أزمة رومانسية للفتاة السودانية

التعبير السابق عباره عن عنوان لمقال للصحفيه امل هباني بصحيفة اجراس الحريه والمنشور تحت عمودها اشياء صغيرة تحدثت فيه عن المسلسل التركي (نور) الذي يعرض حاليا علي شاشة mbc4 والذي يحظي باعلي نسبه من المشاهده, تحدثت عن العدد الكبير والهائل من الفتيات المراهقات والانسات وحتى النساء المتزوجات اللائي يتابعن هذا المسلسل عن حبهم وهيامهم في بطله (مهند) الشاب الوسيم
الرومانسي , وتحدثت عن حالة الحرمان التي تعاني منها بنات السودان ونسائه واطلقت عليها اسم ( starvation of love) أي ( مجاعة الحب ) او بتعبير اخر كما تقول افتقار شديد للحب والرومانسية تجعل المشاعر في حالة جوع شديد حيث يمثل هذا المسلسل الاشباع الخيالي لهذا الافتقار ثم بعد ذلك انتقلت لتبحر في الاسباب المؤديه الي ذلك الجوع العاطفي والمتمثله في ان الرجل السوداني رجل (غير رومانسي) ليس بطبيعته ولكن بحكم تربيته التي تجعله لا يكترث لصورته الرومانسيه امام المرأة, ايضا من تلك الاسباب تحدثت عن السلوكيات التي تصيب المراة بالقرف والاحباط علي حد قولها منظر الرجل وهو يجهز (السفة) ليضعها في فمه ايضا منظره وهو يبصقها , وقد زكرت ايضا ان الرجل لا يحس بأي تحرج.
كانت خاتمة ذلك المقال ان تعاطي (التمباك) وغيرها من السلوكيات غير الرومانسيه للرجل السوداني يجعل مثل مسلسل نور وبطله مهند محل مقارنة بين السيناريو والحقيقة.
=========================

كان هذا عباره عن ملخص بسيط مضمونه ان الفتاه السودانيه تعاني
من ازمه رومانسه والسبب هو ذلك الرجل السوداني الهويه المتحجر المشاعر والاحاسيس والمصاب بحاله من البرود العاطفي والادمان علي تعاطي التمباك, وما نلاحظه انها تحدثت عن الموضوع بشموليه تامه .
======================

هل فعلا هنالك ازمه رومانسيه للفتاه السودانيه؟
هل الرجل السوداني رجل غير رومانسي بحكم تربيته وبحكم سلوكياته ؟[/size]

والموضوع منقووول للأمانة ...

الشذى الفواح كتب:: مهند ...أزمة رومانسية للفتاة السودانية

واطلقت عليها اسم ( starvation of love) أي ( مجاعة الحب )

ههههه
قويييييييييية

الشذى الفواح كتب:

ان الرجل السوداني رجل (غير رومانسي) ليس بطبيعته ولكن بحكم تربيته التي تجعله لا يكترث لصورته الرومانسيه امام المرأة

لا ما كل الرجال السودانين غير رومنسين والتربية مالها خص

لانو في مجتمعات كتيرة وغلقة اكتر من المجتمع السوداني ومع ذلك محد قال عليهم ما رومانسيين

الشذى الفواح كتب:

, ايضا من تلك الاسباب تحدثت عن السلوكيات التي تصيب المراة بالقرف والاحباط علي حد قولها منظر الرجل وهو يجهز (السفة) ليضعها في فمه ايضا منظره وهو يبصقها , وقد زكرت ايضا ان الرجل لا يحس بأي تحرج.
كانت خاتمة ذلك المقال ان تعاطي (التمباك) وغيرها من السلوكيات غير الرومانسيه للرجل السوداني يجعل مثل مسلسل نور وبطله مهند محل مقارنة بين السيناريو والحقيقة.

والله صحيح العادة السيئة دي منتشرة بين السودانين وللاسف في الزمن ده حتى المراهقين والشفع اخدوها

الشذى الفواح كتب:

هل فعلا هنالك ازمه رومانسيه للفتاه السودانيه؟
هل الرجل السوداني رجل غير رومانسي بحكم تربيته وبحكم سلوكياته ؟[/size]

والموضوع منقووول للأمانة ...

[/quote]

ما عرفتو انو في ازمة الا بعد ما طلع مسلسل نور هع هع

يعطيكي الف عافية الشذى الفواح

تسلم يا العاطفي ... خخخخخخخخخخخخ انا اول ما شفت لهفة الناس على المسلسل ده قلت في أزمة رومانسية ... لكن حكاية مجاعة دي قووووية شوية خخخخخخخخخخخ

وبصراحة الرجال السوداانين ديل أنواااع في نوع جامد وباااارد وما بعرف كيف زاتو كلمة رومانسية غلط عليو ...خخخخخخخخ وفي نوع كدة أغلبهم من جيل اليومين ديل داير يعمل فيهم رومانسي وما عارف بيكون بااايخ كدة ومافيو اي جدية ومبالغ فيو ههههههههه ونوع تاني بيعمل فيها مفتح وبيفهم البت ودايرة شنو وبرضو بيكون بااايخ ودمو تقيل .. ونوع ناطي بالحيطة ... ده بيهبب كتير خخخخخخخ وفي النوع الرومانسي المعقوووول ... يعني احنا مجتمع شاامل لكل الأنواااع كل وحدة بتلقى الزول البيناسبها لو فتشت

أما حكاية ظاهرة التمباك فدي فعلا حاجة مقرفة بجد ... يعني لو شفت لي راجل بيسف قدامي كن يبقى لسانو بينقط شهد لي ما بعاين ليو lol!

الشذى الفواح كتب:: يعني لو شفت لي راجل بيسف قدامي كن يبقى لسانو بينقط شهد لي ما بعاين ليو

سنة يا انا ^_*

خخخخخخخخخخخخخ موضوع جميل يا الشذى وصاح كلامك يا العاطفي الرجال انواع واصابع يدك ما زي بعضها

لكن المكسر البنات في مهند شنو انو بحاول بكافه الطرق انو يعوض عن نور وحسسه بي حاله ويركع وحركات كتيره

اما الراجل السوداني يقول ليك ازعلي -- ولمن ترضي كلميني اكون عرسته الرابعه

يعني ادفي بي نارك

واحلى شي اليومين ديل لمن البنات يقولو مهند وابقوا ياالاولاد زي مهند يقولو لمن تبقن انتن زي نور

يعني الازمه من الناحيتين

وشكرا لي موضوعك الجميل

Brown sugar كتب:: خخخخخخخخخخخخخ موضوع جميل يا الشذى وصاح كلامك يا العاطفي الرجال انواع واصابع يدك ما زي بعضها

لكن المكسر البنات في مهند شنو انو بحاول بكافه الطرق انو يعوض عن نور وحسسه بي حاله ويركع وحركات كتيره

اما الراجل السوداني يقول ليك ازعلي -- ولمن ترضي كلميني اكون عرسته الرابعه

يعني ادفي بي نارك

واحلى شي اليومين ديل لمن البنات يقولو مهند وابقوا ياالاولاد زي مهند يقولو لمن تبقن انتن زي نور

يعني الازمه من الناحيتين

وشكرا لي موضوعك الجميل

خخخخخخخخخخخ .. يقول ليكي طقي في ستين الباب بيفوت دينااااصور

هسي مهند عمل لنور السبعة وذمتها عشان ترجع ليو ... هسي انتي كن مرة أزعلي من راجلك واستني يراااضيك .. لو قال ليكي معليش ومن طرف لسانو دي قمة الرومانسية بالنسبة ليو lol!

العاطفي كتب:

الشذى الفواح كتب:: يعني لو شفت لي راجل بيسف قدامي كن يبقى لسانو بينقط شهد لي ما بعاين ليو

سنة يا انا ^_*

أي أي أهم حاجة الأخلااااااق lol!

**%مهند ...أزمة رومانسية للفتاة السودانية%**

%مهند ...أزمة رومانسية للفتاة السودانية%